Uji është thelbësor për çdo sistem në trupin tuaj dhe ka një listë të gjerë funksionesh. Për shembull, uji ndihmon trupin të heqë qafe mbeturinat përmes urinës, ndihmon trupin tuaj të mbajë një temperaturë të shëndetshme përmes djersës dhe është një përbërës në lëngun që mbron trurin dhe fetusin në zhvillim.
Këto janë vetëm disa nga rolet e rëndësishme për të cilat uji është i nevojshëm. Duke pasur parasysh rolin e tij integral në mbështetjen e funksioneve të shëndetshme trupore, efektet e mospirjes së mjaftueshme të ujit mund të sjellin rezultate të padëshirueshme.
Sipas Akademive Kombëtare të Shkencave, Inxhinierisë dhe Mjekësisë në SHBA, burrat duhet të konsumojnë 15 gota e gjysmë lëngje në ditë, ndërsa gratë duhet të synojnë 11 gota e gjysmë, shkruan Eat This, transmeton Klankosova.tv.
Për shkak se uji shërben për shumë funksione në trup, nuk është çudi që konsumimi i pamjaftueshëm i lëngjeve mund të ketë efekte shqetësuese.
Më poshtë mund të shihni se çka mund t’i ndodhë trupit tuaj nëse nuk konsumoni mjaftueshëm ujë
1: Mund të ndiheni të uritur
2: Prirje për dhimbje koke
3: Kapsllëk
4: Lodhje
5: Rrezik më të madh për sulme nga nxehtësia
6: Metabolizëm më i ngadalshëm
7: Përqendrim më i dobët
8: Rritje e ritmit të zemrës.
