Sonte është finalja e edicionit të parë të Big Brother VIP Kosova.
Për pesë finalistët e këtij edicioni, Artan Thaçi, Juliana Nura, Mbresa Hajrullahu, Stresi dhe Vedat Bajrami, votimet mund të bëhen nga Kosova, Shqipëria, Gjermania, Zvicra, Austria dhe Maqedonia e Veriut.
Ndërkaq, përveç kurorëzimit të fituesit/es sonte, mbrëmja ka rezervuar shumë surpriza për banorët dhe shikuesit.
Artani sot doli nga shtëpia për pak minuta dhe takoi të ëmën që nuk e kishte parë për shumë se 100 ditë. Gjithashtu, një videomesazh i erdhi nga vëllai i tij i madh.
Por kjo nuk ishte e tëra për banorin finalist i cili mori edhe biletën e tij për të ndjekur finalen e UEFA Champions League 2022/23 që do të zhvillohet në Stadiumin Olimpik Atatürk të Stambollit.
