Kim Kardashian thuhet se hodhi poshtë një marrëveshje të vitit 2023 me Balenciaga pasi njoftoi se po “rivlersonte” partneritetin e saj me shtëpinë e modës pas skandalit të tyre të reklamave BDSM.
Sipas TMZ, marka iu afrua Kardashian me ofertën përpara se të dilnin imazhet e diskutueshme – por ajo e refuzoi ofertën pak pasi filloi reagimi.
Ylli i realitetit, 42 vjeç, hoqi gjithashtu veshjet e shumta të Balenciaga-s që po planifikonte të vishte në ngjarjet e ardhshme dhe tashmë ka kontaktuar me stilistë të tjerë.
Vendimi i Kardashian për të hequr dorë nga fushata erdhi disa ditë përpara se ajo të denonconte markën, duke thënë se ajo ishte “e tronditur nga imazhet shqetësuese”.
“Kam qenë e qetë për ditët e fundit, jo sepse nuk kam qenë e neveritur dhe e indinjuar nga fushatat e fundit të Balenciaga-s, por sepse doja një mundësi për të folur me ekipin e tyre për të kuptuar vetë se si mund të kishte ndodhur kjo,” Kardashian postoi në Twitter të hënën.
“Si nënë e katër fëmijëve, jam tronditur nga imazhet shqetësuese. Siguria e fëmijëve duhet të mbahet me respektin më të lartë dhe çdo përpjekje për të normalizuar abuzimin e fëmijëve të çfarëdo lloji nuk duhet të ketë vend në shoqërinë tonë.
Ylli i “Kardashians”, vazhdoi të thotë se po “rivlerësonte” marrëdhënien e saj me markën – të cilën me sa duket tani e ndërpreu përgjithmonë.
Shumë të famshëm të tjerë kanë folur kundër markës luksoze.
