“Baby Boy” dueti i Beyonce dhe Sean Paul, i paraqitur në albumin solo debutues të Beyoncé, Dangerously in Love, ishte kënga e verës kur u publikua në vitin 2003.
Dhe ndërsa hiti mbresëlënës ngriti temperaturat atë sezon, ai gjithashtu ndezi thashethemet për romancë mes dy bashkëpunëtorëve – pavarësisht faktit se Beyoncé tashmë ishte në lidhje me bashkëshortin e tanishëm Jay Z.
Në një intervistë të re me “The Daily Beast”, Sean adresoi spekulimet dhe mbylli pretendimet se ai dhe Beyonce kishin diçka më shumë se një marrëdhënie pune. “Nah! Do të doja ta bëja!” tha ai, kur u pyet nëse ata u lidhën gjatë asaj epoke. “Ajo është e bukur”.
Në fakt, Sean tha se ata “e performuan këngën vetëm tre herë së bashku – ndonjëherë”.
“Ajo pati disa hite por ne nuk u shoqëruam me të vërtetë,” vuri në dukje muzikanti. “Gjithmonë e kam admiruar muzikën e saj dhe ajo është e bukur. Kështu që, kur dëgjova se Beyoncé po dilte e vetme dhe donte që unë të bëja një këngë, u ndjeva si ‘Hell f–king yeah’.”
Megjithatë, Sean përkundër thashethemeve për romancë nuk është penduar që ka bashkëpunuar me Beyoncé.
“Ishte një këngë e madhe, e majme, seksi”, tha ai, duke shtuar se edhe pse të dy performuan vetëm disa herë së bashku, ata arritën të krijonin një “video seksi, këngë seksi dhe shumë thashetheme seksi”.
