Kryeministri i Kosovës, Albin Kurti, ka qenë prezent në Festivalin e Kanës ku ka thënë se ka shkuar në përkrahje të filmit “Pa vend” të regjisorit kosovar, Samir Karahoda.
Gjatë qëndrimit të tij atje, Kurti është takuar edhe me fytyra të famshme të botës së kinematografisë.
Mes tyre ai ka parë edhe regjisorin e famshëm amerikan, Spike Lee-në, me të cilin ka pozuar për një fotografi.
Lee është fitues i çmimit Oskar për skenarin më të mirë të adaptuar për “BlacKkKlansmann”, ndërkaq kryesisht njihet për filmin “Bëje gjënë e duhur” i cili nga shumë konsiderohet si kryevepra e tij.
