Në fillim të këtij sezoni televiziv, mediat shkruajtën mbi një varg formatesh të mbyllura e të shkrira në televizionin Klan.
‘Xing me Ermalin’ nuk u rikthye, teksa njejtë ndodhi edhe me ‘Duplex’ dhe ‘BE Coffee’ ku një pjesë e kastit të aktorëve u bënë pjesë e ‘Klanifornia’.
Dritë në transmetim nuk pa më as ‘Ditë për ditë’ pas vetëm pak muajsh nga nisja zyrtare me pompozitet me disa figura të reja që u bënë pjesë e programit.
E duket se një tjetër program është mbyllur përfundimisht pas një sezoni e gjysmë.
Fjala është për formatin e gatimit ‘Sfida e gatimit’ nga Alfio dhe Indriti të cilin producentët e TV Klan e bartën të gatshëm siç veprojnë rëndom, nga IN TV.
Ky format nuk është rikthyer më pas festave dhe do të zëvendësohet nga dy emra të rinj.
Aktorja e njohur Marjana Kondi dhe shefi i kuzhinës Arvin Kita do të jenë nga e Hëna në të Shtunë bashkë me publikun nga ora 11:00 në programin ‘Aromë dreke’.
Pas tentativave me ‘Kush vjen për drekë’ që pati në fokus fytyra publike, dyshes Alfio dhe Indrit si shefa profesionistë, duket se tentativa e radhës për të gjetur formatin e duhur përfshin një profesionist dhe një figurë mjaft popullore si aktorja Kondi.
Se a do jetë gjetja e qëlluar, kjo mbetet që të shihet. /Prive.al
