Nga fëmijëria e tij, jeta personale dhe ajo profesionale, Prive ju sjell 10 gjerat që nuk i dinit për Butrint Imerin.
- Kur dhe ku lindi Butrint Imeri?
Këngëtari lindi më 3 korrik të vitit 1996 në Lorach të Gjermanisë ku edhe vazhdoi studimet për muzikë.
- Karriera e tij nuk nisi me muzikë!
Ndonëse debutimi erdhi në vitin 2015, këngëtari nisi karrierën si valltar. Ai nisi vallëzimin në moshën 8 vjecare duke kryer kështu edhe disa klasa të vallëzimit. Një nga paraqitjet më të mëdha ishte edhe paraqitja e tij si kërcimtar në “Dance Camp” të Gjermanisë, ku arriti të triumfonte, në mesin e kërcimtarëve më të mirë nga e gjithë bota.
- Cili këngëtar influencoi muzikën e tij?
Në disa intervista ai ka deklaruar se muzika e tij që i takon gjerësisht zhanrit R&B dhe POP, ka ndikim madhor nga Justin Timberlake.
- Fillimi i tij ishte i vështirë!
Sot është një nga këngëtarët më të njohur dhe të dashur të muzikës, mirëpo ai ka pranuar se në fillim ka hasur në vështirësi dhe injorim nga artistët e tjerë, ndonëse ai nuk ka dhënë ndonjë emër.
- Që kur u rikthye në Kosovë ai ka frikë ashensorët.
Që nga rikthimi në Kosovë, këngëtari është përballur me realitetin e vështirë të shkëputjes së rrymës elektrike. Kjo shpesh ka ndodhur gjatë kohës sa ishte në ashensorë, dhe si rrjedhojë ka krijuar frikë të frekuentojë ata.
- Familja e tij drejton biznese të suksesshme jashtë vendit.
Shpesh kemi parë që realizimi i videoklipeve të Butrinit ka mbrapa një financim të madh. Ai ka pranuar se familja e drejton biznese të suksesshme dhe është i vetmi që është fokusuar në muzikë. Më tej, ai ka zbuluar se asnjë nga pronat e familjes nuk janë në emrin e tij.
- Dikur Koreja e Veriut ia kishte refuzuar vizën!
Këngëtari deshi të udhëtojë drejt Koresë së Veriut, por edhe pse ai është shtetas gjerman kërkesa e tij ishte refuzuar. Arsyeja e vizitës ishte për të realizuar një videoklip.
- Në videoklipet që xhiron fillimisht ka pak siklet.
Deri më tani Butrinti ka realizuar dhjetëra klipe, por pranon se gjithherë ka pak siklet në fillim. Kjo sepse atij i duhet pak kohë të ambientohet me modelet, me ambientin dhe kamerat.
- 14 dhjetori është datë e veçantë në karrierën e tij.
Tri nga këngët më të suksesshme të këngëtarit janë publikuar me 14 dhjetor. “M’ke rrejt” u publikua mee 14 dhjetor 20129. Mega-hiti “Xhanëm” dhe bashkëpunimi i tij me Gjikon “Bakllava” u publikuan në të njëjtën datë, njëra dy vit më parë e tjetra tre vjet më parë.
- Ai është një adhurues i filmave anime.
Këngëtari adhuron animen më saktësisht “Dragon Ball”. Në korrik të vitit 2020. Butrinti kishte vizatuar portretin e Gokut, personazhi nga filmi i animuar “Dragon Ball”. Ky tatuazh është i veçantë për këngëtarin pasi i kujton fëmijërinë e tij prandaj edhe ka vendosur ta bëjë në një vend të dukshëm. /Prive.al
