Këngëtarja me prejardhje shqiptare, Bebe Rexha gjithmonë e ka shprehur haptazi origjinën saj dhe ka treguar se prindërit i ka shqiptarë, ka folur e vallëzuar shqip. Përkundër kësaj, në videot e fundit të publikuara në Instagram, Bebe kritikon shqiptarët.
Unë e dashuroj kulturën time. Unë jam nga Shqipëria dhe unë e dashuroj, sepse me të u rrita. Por ndonjëherë shqiptarët nuk ndihmojnë në rritjen e njëri-tjetrit.”
“Ndonjëherë lexoj komentet në ‘Instagram’ dhe komentet në ‘Instagram-in’ tim janë shumë të këqija.”
“Kjo më konfuzon, sepse mendoj a duhet ta rrisim dhe mbështesim njëri-tjetrin? Të gjithë janë shumë kritikë. Unë mendoj se si kulturë kemi nevojë për më shumë dashuri, njësoj si kulturat e tjera, të mbështesim njëri-tjetrin dhe të jemi krenarë për njëri-tjetrin.”, tha këngëtarja shqiptare.
Në fund ajo tha se i dhemb kur sheh fansa shqiptar duke thënë gjëra të këqija për të.
