Numrat janë të lartë dhe duket se bota nuk do asgjë më shumë në rrjete sociale se sa një bebe të adhurueshme.
Njoftimi i modeles Kylie Jenner se është bërë nënë dhe fotografia ku prezanton beben, është bërë zyrtarisht imazhi më i pëlqyer në Instagram, duke tejkaluar kështu fotografinë e Beyonce të vitit 2017-të, ku ajo njoftonte se po priste binjakë.
Jenner ndryshe nga të tjerë të famshëm që janë përdorues aktiv të Instagramit, nuk ka thënë as edhe një fjalë dhe ishte jashtëzakonisht e heshtur gjatë shtatzënisë, duke quar fansat e saj në spekulime të vazhdueshme.
Me 4 shkurt, përfundimisht ajo e dha lajmin në Instagram se kishte sjellë në jetë një vajzë që është fëmija i parë i saj me të dashurin Travis Scott.
Jenner më pas publikoi emrin e bebes e po ashtu edhe një imazh të vogëlushes ku shfaqte vetëm gishtat e saj.
Kjo fotografi ka marrë 14 milionë pëlqime në vetëm 21 orë nga momenti i publikimit. /Prive.al
