Zaimina Vasjari është bërë me punë të re.
Nga data 10 qershor e këtij viti këngëtarja ka marrë një post pune në UKT. Ajo është emëruar specialiste në drejtorinë e Ujësjellës Kanalizime në Durrës, në degën e Shijakut.
Vendimi mban firmën e drejtorit të Ujësjellësit Spartak Kovaçi. Përveçse këngëtare Zaimina mbante edhe titullin “Miss Shqiperia”, ndërkaq është diplomuar në degën e Arkitekturës.Tanimë këngëtarja ka marrë përsipër një ‘mision’ të ri, si specialiste e ujit.
Kjo nuk është hera e parë që të famshme shqiptare, të afërta me pushtetet e kohës zënë vend në institucione publike.
Kohë më parë patën rrjedhur listat e pagave nga Ujësjellës-Kanalizimet ku gazetaret Bieta Sulo dhe Mira Kazhani figuronin (ndonëse jo më) me rrogë në këtë institucion.
Mllefi publik ishte i madh, çka pati bërë që të dyja të bllokojnë komente e ndjekës për javë të tëra në profilet e tyre. /Prive.al
