Vera e këtij viti ka qenë shumë konkuruese në përballjet mes artistëve të estradës por jo për Azet.
Nga viti në vit, jemi mësuar që emri i Noizyt të përflitet si më i paguari.
Por, nëse një gjë e tillë ka ndodhur deri sivjet, depërtimi i Azet në treg i ka ndërruar matematikat.
Prive.al nga burime të sigurta pranë disa organizatorëve të ndryshëm të koncerteve e ka konfirmuar që më i paguari për këtë verë ka qenë Azet.
Sipas informacioneve që qarkullojnë në qarqe të ndryshme, diferenca mes Azetit dhe artistëve është pothuajse e dyfishtë. Azet është paguar gati dyfishin e Noizyt apo emrave të tjerë të cilët jemi mësuar t’i dëgjojmë teksa dominojnë verën.
Krahas pagesës bruto, shpenzimet për të pasur Azetin kanë përfshirë edhe kërkesat për akomodim të stafit të tij në hotelet me të mira të qyteteve në të cilët reperi ka performuar.
Sidoqoftë, investimi e ka paguar veten meqenëse klubet e natës kanë qenë ‘full sold-up’, të stërmbushura për njerëz që kanë pasur interesimin që t’i shijojnë live hitet si; ‘Nummer 1’, ‘Uberlebt’ e ‘Qa bone’, përfshirë edhe ‘Nike Pullover’, këngën e tij të fundit. /Prive.al
