Tristan Thompson konfirmoi se ai lindi një djalë me Maralee Nichols, dhe i kërkoi falje publike ish të dashurës Khloé Kardashian për tradhtinë ndaj saj.
“Sot rezultatet e testit të atësisë zbulojnë se unë linda një fëmijë me Maralee Nichols,” shkroi ylli i NBA, 30 vjeç. “Unë marr përgjegjësinë e plotë për veprimet e mia. Tani që atësia është vendosur, pres me padurim ta rritim miqësisht djalin tonë”.
Ai vazhdoi, “u kërkoj sinqerisht falje kujtdo që kam lënduar apo zhgënjyer gjatë gjithë kësaj sprove, si privatisht ashtu edhe publikisht”.
Në një postim të dytë, Thompson pranoi se si lidhja e tij me Nichols e lëndoi Kardashian, me të cilën ai ishte ende në lidhje kur u ngjiz i porsalinduri.
“Khloé ti nuk e meriton këtë. Nuk e meritoni dhimbjen dhe poshtërimin që ju kam shkaktuar”, ka shkruar ai. “Ju nuk e meritoni mënyrën se si ju kam trajtuar gjatë viteve”.
Ai vazhdoi duke thënë se veprimet e tij “nuk janë në përputhje” me pikëpamjen e tij personale për yllin e “Keeping Up With the Kardashians”.
“Kam respektin dhe dashurinë maksimale për ju, pavarësisht se çfarë mund të mendoni”, shtoi ai. “Përsëri, më vjen shumë keq”.
Pranimi i Thompson vjen pas një beteje ligjore me Nichols.
