Tom Cruise po përfundon xhirimet e filmit më të fundit Mission Impossible dhe jo gjithçka po shkon vaj në sferën e tij profesionale.
Megjithatë, aktorit thuhet se i është dashur të punësojë sigurim për shkak të kërcënimeve për vdekje të bëra ndaj tij nga një ish-bashkëpunëtor.
Një ish-punonjës i pakënaqur i produksionit në filmin ‘Mission Impossible 8’ thuhet se ka deklaruar se dëshiron të vrasë Cruise dhe aktori nuk po rrezikon.
Sipas ‘The Sun’, një burim i afërt me xhirimet ka zbuluar situatën e pakëndshme, ku përfshihet edhe regjisori Chris McQuarrie.
Ish-punonjësi ka nisur një betejë ligjore që nga shkarkimi i tij dhe duket se gjërat kanë marrë kah për keq.
“Tom dhe Chris janë ende duke punuar në Mission: Impossible 8, kryesisht në Mbretërinë e Bashkuar, por gjërat janë bërë gjithnjë e më të pakëndshme me një ish-anëtar të ekuipazhit dhe tani është një rast për të mos rrezikuar”, tha burimi i Sun.
“Tom është mësuar të ketë ekipe sigurie rreth tij shumicën e kohës për shkak të famës së tij. Por për Chris është një gjë shumë e re. Askush nuk po rrezikon.”
Punonjësi i pushuar, sipas The Sun, ka bërë edhe disa deklarata befasuese në të cilat jep detaje për një financim të pretenduar nga oligarkët rusë të filmave të Tom Cruise. /Prive.al
