Një makinë futuriste e re Mercedes është zbuluar dhe përmban aftësinë për t’u kontrolluar nga mendja e përdoruesit.
Mercedes Vision AVTR është një makinë jo vetëm e mundësuar nga energjia elektrike, por edhe truri juaj, falë një ndërfaqeje të re teknologjike, shkruan Unilad, përcjell Prive.
Makina që mendon përpara u njoftua dhe u shfaq këtë javë në Gjermani në IAA Mobility 2021, megjithëse makina është ende në fazën e konceptit të zhvillimit.
Pjesa e brendshme dhe e jashtme e makinës janë të frymëzuara nga fanta-shkenca dhe tepër futuriste, por tipari kryesor që Mercedes po shfaqte ishte teknologjia e re Brain Computer Interface (BCI).
Sidoqoftë, drejtuesit e makinës nuk do ta përdorin pajisjen për të drejtuar në të vërtetë makinën. Në vend të kësaj, Mercedes shpreson se drejtuesit do të jenë në gjendje të përdorin teknologjinë BCI për të kontrolluar pjesë të ndërfaqes së përdoruesit.
Për shembull, ndryshimi i kanalit në stacionin e radios ose përdorimi i një ngjyre të ndryshme për dritat në brendësi të makinës mund të bëhet vetëm duke e menduar atë. /Prive.al
