Sonte në mbrëmje nisë nata e parë LIVE e këtij edicioni të festivalit ‘Kënga Magjike’, si zakonisht nga Pallati i Kongreseve.
Këtë vit, festivali ka një peshë tjetër sepse në fund i është bashkëngjitur kauza ‘këndo për të ndërtuar’ me fonde të dedikuara për të prekurit nga tërmeti i tmerrshëm i Durrësit.
Por, janë dy këngëtare që kjo natë nuk do i sjellë në skenë përkundër faktit se konkuruan me projekt muzikor në këtë edicion të ‘Kënga Magjike’.
Fjala është për Linda Halimin dhe Besa Kokëdhimën që për arsye të ndryshme braktisën pjesëmarrjen në festival.
Teksa Linda u detyrua të tërhiqej shkaku i vajzës së vogël dhe jetesës në SHBA, Besa vendimin e mori duke e parë të pamundur performancën pas tragjedisë natyrore që përfshiu Shqipërinë.
Për këtë të fundit, pati një thirrje nga producenti Gjebrea që ta rishqyrtojë vendimin mirëpo nuk pati përgjigje. /Prive.al
