Gjashtë vjet pasi tha se ai “nuk do të hajë kurrë më hot dog”, Snoop Dogg me sa duket po mendon të lançojë markën e tij të hot dog-ëve të quajtur “Snoop Doggs “, sipas një regjistrimi të fundit në zyrën federale të markave tregtare.
Avokatët e legjendës së hip-hop-it aplikuan muajin e kaluar në Zyrën e Patentave dhe Markave të SHBA-së për një regjistrim federal të markës tregtare me termin “Snoop Doggs”, duke thënë se ai planifikon ta përdorë atë për të shitur hot dog dhe lloje të tjera të ndryshme salsiçesh.
Avokatët e Snoop e paraqitën kërkesën si aplikacion me qëllim për t’u përdorur, që do të thotë se Snoop nuk ka lançuar ende një markë – por se ai ka një qëllim serioz për ta bërë këtë dhe dëshiron të sigurojë të drejtat e markës para kohe.
Një markë hot dog do të ishte vetëm sipërmarrja e fundit e konsumatorit nga Snoop. Në vitin 2015, adhuruesi i marihuanës filloi një kompani kanabisi të quajtur Leafs By Snoop, dhe në vitin 2020, reperi hapi një linjë pije alkoolike të quajtur Indoggo Gin. Ai gjithashtu ka nxjerrë librin e tij të gatimit dhe është shfaqur vazhdimisht në segmente televizive të gatimit me shoqen e ngushtë Martha Stewart.
