Jamie Lynn Spears e ka trajtuar përçarjen e saj me motrën Britney Spears në një intervistë në emisionin “Good Morning America” .
“Unë e dua motrën time,” tha 30-vjeçarja mes lotësh.
Jamie Lynn po flet tani meqënëse libri i kujtimeve të saj do të publikohet më 18 janar. Megjithatë, libri del pikërisht në momentin që ish-ylli i Nickelodeon dhe prindërit e saj Jamie dhe Lynn Spears, po përballen për pretendimet për sjellje abuzive ndaj Britney Spears.
Ikona e popit – e cila u lirua në nëntor nga një konservator që kontrollonte të gjitha gjërat e jetës së saj për 13 vjet – tha në një seancë dëgjimore në qershor se ajo madje donte të padiste familjen e saj.
Intervista e Jamie Lynn Spears në “Good Morning America” është intervista e saj e parë televizive për motrën e saj Britney që nga përfundimi i konservatorit.
Jamie Lynn, në veçanti, u kritikua se nuk foli publikisht për motrën e saj, ndërsa ajo ishte nën kufizime ligjore ose nuk ndihmoi në promovimin e lëvizjes #FreeBritney.
Megjithatë ajo tha: “Unë mendoj se është jashtëzakonisht e qartë që nga dita kur linda se kam dashur, adhuruar dhe mbështetur vetëm motrën time,” tha më parë Jamie Lynn me një ton të frustruar”.
“Nuk më intereson nëse ajo dëshiron të ikë në një pyll tropikal dhe të ketë një milionë fëmijë në mes të askundit, ose nëse dëshiron të kthehet dhe të dominojë botën siç e ka bërë shumë herë më parë, sepse unë nuk kam asgjë për të fituar ose humbur në çdo mënyrë”.
Sapo Britney rifitoi kontrollin e plotë të rrjeteve të saj sociale, këngëtarja e hitit “Toxic” i la fansat e saj të kuptonin ndjenjat e saj të vërteta në lidhje me motrën e saj më të vogël.
