Bileta për të takuar Dua Lipën nuk janë aspak të lira – por ylli i popit sigurisht që ka shumë në paketën e saj të turneut VIP Future Nostalgia. Ajo kushton 1,842 funte (2,200 euro).
Fansat paguajnë për një ftesë në një “festë shtëpie” para shfaqjes së mbajtur në vendin e koncertit.
Paketa përfshin një mësim kërcimi nga një koreograf profesionist, akses në një skuadër glam dhe një foto në grup me vetë yllin 26-vjeçar.
Klientët që paguajnë madje kanë mundësinë të bëjnë një vallëzim me këngëtaren e Levitating, por vetëm nëse hyjnë – dhe fitojnë – në një konkurs paraprakisht.
Ndërkohë që Dua Lipa kryeson listën e publikuar nga The Sun, bileta të tilla për të takuar të famshëm të tjerë nga afër kanë këtë çmim:
- Justin Bieber – 900 funte (1080 euro)
- Arnold Schwarzenegger – 745 funte (890 euro)
- Alicia Keys – 628 funte (750 euro)
- Steps – 375 funte (450 euro)
- Blu – 349 funte (420 euro)
- Ronan Keating – 240 funte (290 euro)
- Gary Neville – 150 funte (180 euro)
- Gemma Collins – 115 funte (140 euro)
- Paw Patrol – 68 funte (80 euro)
