Këngëtarja me prejardhje kosovare Rita Ora, është tallur fort nga fansat, dhe arsyeja është e çuditshme.
26 vjeçarja kishte publikuar një fotografi në Instagram, ku i inkurajonte fansat e saj që të blinin këngën e re Your Song dhe e kishte ndarë me ndjekësit e vet gëzimin që e ka kapluar pasi po i ecën kaq mirë.
Ndërsa, më pas fansat kanë shkruar se “screenshot” që ajo e ka publikuar në rrjete sociale, tregon se ajo e ka blerë këngën e saj, ngase anash emrit të vet shkruhej ‘play’ dhe jo ‘buy’ siç u del të tjerëve që nuk e kanë blerë këngën e saj.
Kjo dëshmonte që Rita e kishte blerë këngën që vet e ka krijuar.
Ndërsa më vonë, një zëdhënës i këngëtares ka thënë se të gjithë artistët blejnë nga një kopje të këngës së tyre, përndryshe s’mund të presin që fansat ta blejnë, nëse ata vet nuk e kanë bërë. /Prive.al
