Sipërmarrësja e modës dhe këngëtarja e muzikës pop, Rihanna, po punon me këshilltarë për të bërë publike kompaninë e saj të të brendshmeve Savage X Fenty përmes një oferte fillestare që mund ta vlerësojë kompaninë në 3 miliardë dollarë, thonë burimet.
Kompania po punon me banka si Goldman Sachs dhe Morgan Stanley për të vlerësuar vlerën e saj dhe për të matur kërkesën, thanë për Bloomberg njerëz të njohur me këtë çështje.
Një listim mund të ndodhë brenda këtij viti, por kompania nuk ka marrë një vendim zyrtar se kur, apo nëse, do të dalë publike.
Një ofertë publike fillestare (IPO) përfshin marrjen e një kompanie nga pronësia private në publike duke emetuar aksione për publikun e gjerë. Procesi i lejon kompanisë të mbledhë më shumë para dhe të rrisë gjurmën e saj.
Rihanna, 34 vjeçare, u bë zyrtarisht miliardere gushtin e kaluar – duke e bërë atë muzikanten më të pasur në botë dhe artisten e dytë më të pasur pas Oprah Winfrey. /Prive.al
