Rihanna është e hapur për të rritur familjen e saj.
Duke folur për Interview Magazine, këngëtarja e cila ndan djemtë RZA, 23 muajsh dhe Riot, 8 muajsh, me partnerin ASAP Rocky, u pyet nga stilisti Mel Ottenberg se sa fëmijë të tjerë donte të kishte.
“Aq sa do Zoti që të kem”, përgjigjet Rihanna.
E pyetur nëse janë më shumë se dy, muzikantja thotë: “Nuk e di se çfarë do Zoti, por do të shkoja për më shumë se dy. Do të përpiqesha për vajzën time. Por sigurisht nëse është një djalë tjetër, është një djalë tjetër.”
“Gjëja më e bukur…është se fëmijët vijnë në botë me individualitetin dhe sinqeritetin e tyre, pa asnjë logjikë apo konformitet, gjë që zakonisht të bën të ndjesh se duhet të futesh në një grup të caktuar”, tha ajo.
“Është vërtet e bukur të shohësh dhe dua të vazhdoj t’i ndihmoj ata të lundrojnë në të dhe të sigurohemi që ata e dinë se mund të jenë kushdo që duan të jenë…ata duhet ta përqafojnë plotësisht, sepse është e bukur dhe unike. Unë i dua ata vetëm në atë mënyrë”.
Në një intervistë për New York Pos t’s në nëntor, Rihanna tregoi se lidhja me Rocky-n është thelluar që kur çifti u bënë prindër.
“Unë e dua atë ndryshe si baba. Ky është i madh, i madh… është një kthesë,” tha ajo për median. “Është njëlloj si, wow. Çfarë lideri, çfarë dashurie e madhe dhe e durueshme…dhe fëmijët e mi janë të fiksuar pas tij”.
