Reagojnë shoqata e bizneseve të palestrave të Kosovës pas vendimit të masave të reja të qeverisë - Privé

Sipas masave më të fundit të ndërmarrë nga qeveria për menaxhimin e situatës mid pandemike, ishte mbyllja e qendrave të fitnesit apo palestrave sportive.

Përveç se kjo masë dëmton bizneset përkatëse të fushës, po privon edhe njerëz nga të ushtruarit e sportit dhe aktivitetet fizike për të cilat kanë nevojë shëndetësore.

Pronarët e palestrave sportive/finesave e tej përpiluan edhe një kërkesë duke rreshtuar arsyet pse kjo masë është e “paarsyeshme, e panevojshme dhe arbitrare”, drejtuar Qeverisë së Kosovës.

Më poshtë mund të lexoni kërkesën e plotë.

KËRKESË

Njëra prej masave të Qeverisë së Republikës së Kosovës për parandalimin e përhapjes së Covid-19, është edhe mbyllja e palestrave sportive. Kjo masë na dëmton seriozisht ne si biznese të cilat kemi kredi në banka, shpenzime fikse, rroga të punëtorëve e rroga tona personale, ndër të tjerash. Bizneset tona nuk kanë pranuar asnjë̈ lloj asistence apo ndihme lehtësuese nga Qeveria as nga mbyllja e valës së parë dhe as nga kjo e tanishmja. Ne si pronarë të këtyre bizneseve e konsiderojmë̈ këtë vendim të paarsyeshëm, të panevojshëm dhe arbitrar. Duke e kuptuar seriozitetin e situatës dhe shqetësimet e Qeverisë për shëndetin publik, më poshtë po i listojmë arsyet pse nuk është e nevojshme mbyllja e palestrave sportive në këtë funksion:

Në palestra sportive vijnë̈ vetëm njerëz të cilët ndihen mirë, pra gjasat që ata të jenë të infektuar me Covid-19 simptomë e të cilit virus është lodhja dhe dërrmimi fizik, janë shumë të vogla;
Natyra e këtij sporti (pajisjet që përdoren) dikton distancë midis njerëzve prej minimum 2 metrash;
Mbi 60% e hapësirave të palestrave sportive përbehen nga vetë pajisjet, që do të thotë se kapaciteti i njerëzve që mund të jenë brenda në të njëjtën kohë është shumë më i ulët;
Ky lloj sporti ushtrohet me doreza, pra përdoruesi nuk ka kontakt direkt me pajisje;
Një̈ pjesë dërrmuese e klientëve tanë̈ janë̈ njerëz me nevoja fizike të cilat ju obligojnë̈ ushtrime në fitnes për mirëqenien e tyre;
Sporti është mënyra më e mirë për ta luftuar depresionin dhe stresin e që në këtë kohë pandemie është në nivel të rritur.
Përveç kësaj, ne zotohemi që do t’i vendosim edhe rregullat e mëposhtme në funksion të parandalimit të shpërndarjes së virusit në hapësirat tona:
Nuk do ta lejojmë asnjë klient të hyjë në ambientet tona pa maskë që mbulon gojën dhe hundën;
Do ta përcaktojmë numrin e klientëve për metër katrorë të hapësirës së palestrës ashtu siç kërkohet;
Nuk do ta lejojmë përdorimin e zhveshtoreve dhe tushave;
Pranë secilës makinë të ushtrimit do të vendoset dezinfektuesi si dhe letra që obligon përdoruesin ta dezinfektojë para dhe pas;
Ventilimi do të jetë i lëshuar gjatë tërë orarit të punës;
Të gjitha dritaret do të qëndrojnë të hapura gjatë orarit të punës;
Do ta pezullojmë çdo funksion tjetër të biznesit (shitja e pijeve dhe produkteve tjera për ushtrime).

Artikuj të ngjashëm

Të rinjtë preferojnë të shikojnë TV-në me titra

Kthimi në kohë: Kështu dukej Edona Llalloshi 18 vjet më parë (FOTO)

Nis numërimi prapa për rikthimin e Gjirës

Leonora Jakupi në koncertin e Elvana Gjatës – këngëtarja shkëlqeu me veshje

“M’u ke bo fiksim” sjell Labin dhe Genën në një bashkëpunim

Blero e shpreh haptazi mungesën e Afronës!