Emri i Ilda Bejlerit ka nisur të lakohet në portale pasditen e sotme sërish, mirëpo jo për arsyet e rëndomta.
Këtë radhë nuk janë paraqitjet ato që kanë krijuar lajm, por veprimet e supozuara.
Mediat online në Shqipëri raportojnë se një 64-vjeçare është aksidentuar sot nga një makinë që mendohet të jetë e Ilda Bejlerit. E njejta makinë është larguar me shpejtësi nga vendi i ngjarjes.
‘Enriketa Gjuzi është plagosur rëndë dhe gjendet në reanimacion pranë spitalit të Traumës. 64-vjeçarja është goditur me makinë, në vijat e bardha pranë Drejtorisë së Policisë Tiranë, nga makina me targa AA998NY. Automjeti “X5” i zi rezulton të jetë i Ilda Bejlerit, gazetare sporti në Top Channel. Dëshmitarët pohojnë për dritare.net që e kanë parë atë të largohet me shpejtësi, pas ngjarjes. Dhjetëra automjete kanë ndaluar pas saj duke ndihmuar zonjën e aksidentuar rëndë.’ – shkruan portali në fjalë.
E nuk ka vonuar edhe përgjigja e prezantueses bukuroshe. Ajo përmes Instagramit ka mohuar të ketë aksidentuar dikë, por nuk është lëshuar në detaje nëse dikush tjetër mund të ketë qenë duke vozitur veturën e saj.
‘Unë nuk i kuptoj dot këta gazetarët tanë. Si mund të shpifin për njerëzit kështu?’ – ka deklaruar Bejleri. /Prive.al
