Lëvizjet nga televizioni në televizion janë bërë të shpeshta për disa prezantuese shqiptare.
Pak muaj më parë në media u komentua gjatë se prezantuesja e emisionit “Kush vjen për drekë”, Arjola Shehu do të largohej nga drejtimi i këtij emisioni.
Mediat aluduan se ajo do të transferohej në ‘Top Channel’,mirëpo një gjë e tillë nuk u konfirmua nga ana e Arjolës.
Së fundmi sipas ‘Revistës Class’ burime pranë televizionit ‘Klan’ kanë konfirmuar lajmin se Arjola nuk do të jetë më pjesë e këtij televizioni. Ajo ka marrë vendimin të largohet, ndërkohë që është shprehur se do të sjellë një projekt të ri televiziv.
Ajo është shprehur se momentalisht po punon për këtë projekt, por nuk dihet ende se në cilin televizion do ta shohim bukuroshen brune sezonin e ri.
