Familja e Ciara dhe Russell Wilson po rritet.
Të martën, këngëtarja postoi një video ku zbuloi barkun e fryrë në llogarinë e saj të verifikuar në Instagram duke cituar tekste nga kënga e saj me Chris Brown me titull “How We Roll”.
“Ti më shikon sërish ashtu, ne bëjmë një tjetër fëmijë”, shkroi Ciara.
View this post on Instagram
Ciara dhe Wilson, i cili është qendërmbrojtës i Denver Broncos, u martuan në vitin 2016. Ata tashmë janë prindër të vajzës Sienna Princess, 6 vjeç dhe djalit Win Harrison, 3 vjeç.
Ciara ka edhe një djalë 9-vjeçar, Future Zahir, me ish të dashurin e saj, reperin Future.
Para se të martohej me Wilson, ajo i tha revistës Essence se gjithmonë kishte dashur të bëhej nënë dhe ndau për dashurinë që gjeti me futbollistin profesionist.
“Më kujtohet që i thashë mikut tim llojin e djalit që doja: një burrë me frikë Perëndie me një shpirt shumë argëtues që i do fëmijët dhe do të kujdesej vërtet, vërtet për mua”, tha ajo në atë kohë. “Isha shumë specifike sepse besoj se mund t’i kesh të gjitha”.
