Mendonit se lufta në Ukrainë apo zhurmat e zinxhirit të furnizimit ishin fajtorë për rritjen e çmimeve? Nuk paskeni dëgjuar për Beyoncén.
Fillimi i turneut botëror të këngëtares në Suedi muajin e kaluar ndezi një furi të tillë kërkesash për hotele dhe ushqime në restorante, saqë është shfaqur në statistikat ekonomike të vendit.
Suedia raportoi inflacion më të lartë se sa pritej prej 9.7% në muajin maj.
Rritja e çmimeve për hotelet dhe restorantet qëndronte pas surprizës.
Michael Grahn, ekonomist në Danske Bank, tha se mendonte se Beyoncé ndihmoi në rritjen e tarifave të hoteleve. Ajo gjithashtu mund të ketë qenë forca pas rritjes së papritur të fortë në çmimet e rekreacionit dhe kulturës, tha ai.
“Unë nuk do ta fajësoja Beyoncé-n për inflacionin e lartë, por performanca e saj dhe kërkesa globale për ta parë të performojë në Suedi me sa duket i shtuan pak”, deklaroi ai, raporton BBC, transmeton Klan Kosova.
Nuk ka dyshim se turneu i parë solo i këngëtares në shtatë vjet shënon një moment të madh ekonomik. Të paktën një vlerësim sugjeron se ecuria mund të arrijë pothuajse 2 miliardë paund deri në kohën kur përfundon në shtator.
