Një nga djemtë e rinj që i janë bashkuar emisionit të dashurisë është edhe Rinian Leka.
Pas hyrjes së tij, në rrjete sociale qarkullonin fotografi të tij me një grua në krah, për të cilën ai tha se ishte e fejuara e tij, por që i kishin dhënë fund lidhjes.
Arsyeja? Të dy kishin perspektiva shumë të ndryshme në jetë, dhe ishte një udhëtim që nuk mund ta bënin bashkë.
Por duket se ish-çifti akoma ruajnë një raport të mirë, nisur nga mesazhi dashamirës që ajo i kishte adresuar atij, pas takimeve me dy vajzat nga formati.
“Çkemi! Dëshiroj të të uroj fat të mbarë në udhëtimin tënd të ri në jetë. Qëndro vetvetja kudo dhe kurdoherë. Personi që do të zbulojë qenien tënde do të kuptojë se je një perlë e rrallë. Fat të mbarë, Marsy”, ka shkruar ajo.
