Situata me pandeminë që po zgjat prej më shumë se një viti ka qenë shumë problematike për artistët.
Ata i përkasin kategorive ndër më të prekurat nga mos zhvillimi i dasmave dhe koncerteve të cilat mbesin ende sot, burimi kryesor i të ardhurave për ta.
E mesa duket kjo gjendje e ka “shterruar” në rezerva këngëtarin Sinan Hoxha.
Ai ka ripostuar një rrjete sociale një deklaratë të tij ku shprehet se gjatë kësaj kohe i ka shpenzuar të gjitha ato që ka mbledhë ndër vite.
“Fiks” – ka qenë komenti i tij si për t’i rivënë vulën deklaratës së dhënë në Top Albania Radio së fundmi.
Nuk dihet nëse bizneset e menaxhuara nga bashkëshortja, Andrra janë shndërruar në burimin parësor të të ardhurave në familje tashmë kur edhe shpenzimet janë rritur me ardhjen në jetë të djalit të dytë. Por, Sinanit nuk kemi pse i qajmë hallin. Me shumë gjasë, ka ende nga ‘rezervat’. /Prive.al
