Selena Gomez, të ka ardhur kohë të lëshosh rrugë për mbretëreshën e re të Instagramit!
Është këngëtarja Ariana Grande ajo që e ka tejkaluar Gomezin me numrin më të madh të ndjekësve në këtë platformë sociale.
Ariana Grande tani ka 146.3 milionë ndjekës në Instagram, ndërsa as Gomez nuk qëndron larg pasi që ka 146.2 milionë ndjekës.
Gomez e ka mbajtur titullin e vajzës më të ndjekur në Instagram për tri vjet. Ndërsa është Cristiano Ronaldo ai që e mori pozitën e njeriut më të ndjekur në Instagram me 155 milionë ndjekës.
Sipas revistës Billboard, 25 vjeçarja Grande ka arritur të marrë mbi 13 mijë ndjekës për katër muajt e fundit, pasi ajo e prishi fejesën me Pete Davison.
