Dje, Tayna lansoi videoklipin e saj më të ri të titulluar “Qe Qe”, dhe sic kishte raportuar Prive, para pak javësh, videoklipi i tëri ishte frymëzuar nga seriali kolumbian i viteve 2000, “Pasionet e fshehta” (titulli origjinal: “Passion de Gavilanes”).
Për ju që e keni ndjekur ndoshta nuk mbani mend çdo detaj; ju kujtohen tri motrat Jimena, Norma dhe Sarita Elizondo që dashurohen në tre punëtorët vëllezër të fermës së babait të tyre, Juan, Oscar dhe Franco Reyes – historia është shumë e komplikuar se kaq.
Videoklipi ishte i gjithi ashtu siç ishte parashikuar, një frymë latine ku edhe veshjet përkonin me serialin edhe vendosja e videoklipit ishte në një fermë.
Para pak javësh Tayna kishte debutuar me një stil të ri flokësh si Norma, nga ku ishte frymëzuar.
Në pjesën e parë të videoklipin ajo kanalizon personazhin e saj, që interes romantik kishte vëllain e madh, Juan Reyes.
Por tek pjesa e dyte kur ajo shfaqet duke kënduar në bar me lëvizje joshëse, na kujton pikërisht personazhin e Rosarios, e cila ishte këngëtarja e barit lokal.
Për më tepër, së fundmi Tayna dha një intervistë ekskluzive për Prive. Ajo foli gjerë e gjatë për jetën e saj, përditshmërinë, planet e karrierës e shumë më shumë.
Ndiqni të plotë në videon e mposhtme. /Prive.al
