Aktorja Kathryn Kates, e cila u shfaq në serialet televizive të suksesshme, si: “Orange is the new black” dhe “Seinfeld” ka vdekur në moshën 73-vjeçare, konfirmuan përfaqësuesit e saj për CNN të mërkurën.
“Pas një beteje të gjatë dhe të vështirë me kancerin në mushkëri, Kathryn ndërroi jetë paqësisht të shtunën e kaluar e rrethuar nga vëllai i saj Josh, gruaja e tij Sue Ann dhe motra e saj Mallory.
“Ajo ishte jashtëzakonisht e guximshme, e mençur dhe e dashur. Kathryn iu afrua çdo roli që kishte luajtur ndonjëherë, si dhe jetës së saj të përditshme me pasionin më të madh. Ne do të bëjmë çmos për të nderuar trashëgiminë e saj të pabesueshme. Bota me të vërtetë humbi një nga aktoret më të mira”.
Kates u zhvendos nga New York qyteti i saj i lindjes në Los Angeles në vitin 1974, për të ndjekur karrierën e saj të aktrimit. Atje ajo ishte një figurë me ndikim në skenën lokale të teatrit, duke u bërë një nga themelueset e Teatrit Colony në Burbank, Kaliforni.
Me një karrierë televizive që përfshin më shumë se tre dekada, Kates performoi në një numër shfaqjesh që përcaktuan epokën.
Ajo pati një rol të përsëritur në sitcom të viteve ’90 “Seinfeld”, duke luajtur së bashku me Jerry Seinfeld dhe Julia Louis-Dreyfus.
