Ndërsa Alyssa Scott dhe Nick Cannon përgatiten për të shënuar përvjetorin e parë të vdekjes së djalit Zen, modelja po fillon gjithashtu një kapitull të ri.
Alyssa njoftoi se ishte shtatzënë duke shpërndarë një foto të barkut të saj. Krahas fotos, ku përfshihej edhe vajza e saj Zeela, 4 vjeçe, modelja ka shkruar: “Me ty pranë…”.
Lajmi për shtatzëninë e 29-vjeçares vjen vetëm disa muaj pasi ajo ngjalli spekulime teksa ndau një foto me bark në ditën e nënës. “Sot jam mirënjohëse që arrita të marr telefonin dhe të dëgjoja zërin e mamasë dhe gjyshes sime në linjën tjetër”, shkroi ajo. “Unë jam mirënjohëse për vajzën time që më mban dorën gjatë kësaj feste. E kam fjalën kur them se zemra ime është me çdo grua dhe çdo nënë sot”.
Dhjetorin e kaluar, Alyssa dhe Nick treguan se djali i tyre 5-muajsh Zen vdiq nga një tumor në tru.
