Bota e artit shqiptar u trondit pasditen e sotme.
Aktori i mirënjohur Luran Ahmeti u nda nga jeta në mënyrë të parakohshme në moshën 46 vjeçare.
Lajmi ishte shokues për të gjithë por më së shumti për ata që e njohën nga afër.
Një prej tyre është grimeri Armend Ramadani.
Ai ka ndarë mesazhin e fundit me Luranin, të datës 4 mars.
Në të kuptohet se prej asaj kohe, Ahmeti ishte i shtruar në spital por me optimizmin e plotë që do ta kalojë këtë situatë.
Jo zyrtarisht, u raportua se aktori i njohur tetovar u nda nga jeta si pasojë e komplikimeve shëndetësore të shkaktuara nga COVID-19 për shkak të problemeve bashkëshoqëruese. /Prive.al
