Reperi Arkimed Lushaj apo siç njihet nga të gjithë me emrin e artit “Stresi”, dikur i shkaktonte stres të vërtetë Policisë Shtetërore të Shqipërisë.
Hidhte me shotgun në ajër, i ikte policisë nga prangat, deklaronte se po shet drogë vetëm për t’i ngacmuar efektivët, po më në fund duket se raporti i tij me forcat e rendit po shkon drejt normalizimit.
Stresi ka publikuar në profilin e tij në Instagram, një video që e dëshmon më së miri këtë.
I ndaluar me veturën e tij të tipit Mercedes nga dy togere të lezetshme, ai ka dalë nga makina ndërsa më pas bën një fotografi me policet.
“Kjo është policia që duam”,ka shkruar Stresi, i cili dikur qëndronte për ditë të tëra në arrati, ngase për të lëshoheshin urdhërarreste. /Prive.al
