Dështimi që Kosova të anëtarësohet në UNESCO na dëshpëroi të gjithë. Pas kësaj përvoje jo të këndëshme, shumë persona në rrjete sociale filluan të kërkojnë llogaridhënie duke kërkuar edhe dorëheqjen e ministrit të Punëve të Jashtme, Hashim Thaçit.
Por kjo duket se nuk i ka pëlqyer këngëtarit Labinot Tahiri i cili i ka dalë në mbrojtje zëvëndëskryeministrit përmes një postimi në Facebook.
Labi në shkrimin e tij konkludon që sipas këndvështrimit të tij nuk është e drejtë që të kërkohet dorëheqja e askujt nga pala shqiptare. Duke vënë theksin tek fakti se duhet ta kemi parasysh se kënd e kemi pasur kundër, këngëtari kërkon që të mos i’a humbin mundin ministrit Thaçi.
‘Jam i bindur se më shumë se të gjithë, Thaçi, do ta dëshironte Kosovën sot në Unesco’ – është shprehur Labinoti.
Nuk dihet se a do të reflektojë ky qëndrim edhe në pozicionimin e tij në politikë tani kur kësaj fushe, Labi i është qasur edhe më seriozisht. /Prive.al/
