Beatrix Ramosaj, që dha në fakt sinjalet e para për një shtatzëni të mundshme të Einxhel, ka shprehur emocionet e saj tashmë kur lajmi është bërë publik për të gjithë.
Pas postimit të çiftit, ku prezantuesja shfaqë për të parën herë barkun e rrumbullakosur, Trixa ka thënë fjalën e saj përmes rrjeteve sociale.
“Urime për dy njerëezit e mi të preferuar në botë. Zemra ime po buzëqesh në këto momente. Do jeni prindërit më të mirë. Dhe unë premtoj që do jem tezja më e mirë” – është shprehur Trixa.
Ndërkaq, prezantuesja Roza Lati është shprehur përmes rrjeteve sociale se Einxhel, i ka dalë shtatzënë në ëndërr qysh më 29 qershor, pra gati dy muaj para lajmit.
Kujtojmë se Prive.al, javë më parë, bazuar në burime pranë Einxhel e konfirmoi shtatzëninë që tashmë duhet të jetë diku rreth muajit të pestë apo gjashtë.
Atëbotë, prezantuesja e mohoi zhvillimin, duke zgjedhur që javë më pas, ta thotë vetë të njëjtën gjë! /Prive.al
