Little Mix ka zbuluar se ata iu nënshtruan terapisë si treshe pas largimit të ish-anëtarit të grupit Jesy Nelson në muajin dhjetor.
Në një intervistë të re, Perrie Edwards, Leigh-Anne Pinnock dhe Jade Thirlwall, folën për marrjen e trajtimit së bashku, dhe pranoi se ata ‘kishin vërtet nevojë për të’.
Duke folur për albumin e tyre të ri “Between Us”, vajzat gjithashtu detajuan sesi seancat e tyre të terapisë ishin frymëzim për këngën Cut You Off, e cila ka të bëjë me largimin e njerëzve toksikë në jetën e dikujt.
Gjatë bisedës, Little Mix shpjegoi disa kuptime të disa prej këngëve më të reja në albumin e përvjetorit, i cili është një festë e 10 viteve të tyre së bashku si grup.
Perrie tregoi se si u frymëzuan për këngëb nga tre seancat e terapisë që erdhën pas një viti të vështirë mes pandemisë së koronavirusit dhe Jesy duke u larguar në mënyrë sensacionale nga grupi.
Ajo shpjegoi: ‘Cut You Off’ ka të bëjë me dikë që është vërtet toksik në jetën tuaj dhe ju nuk e dëshironi më. Ne në fakt shkuam në terapi si grup, gjë që mendojmë se është vërtet shumë e dobishme. Na thanë të imagjinojmë njerëzit që janë negativë në jetën tonë dhe njerëzit që nuk na bëjnë të ndihemi shumë mirë me veten tonë.
“Dhe ne imagjinuam gërshërë të mëdha për t’i prerë njerëzit dhe më pas Jade doli me konceptin për ta bërë atë në një këngë, të cilën unë mendova se ishte vërtet e mrekullueshme”.
Jade, 28, vazhdoi ta quante unitetin e tyre ‘të bukur’, duke deklaruar se ajo është ‘krenare’ për ‘lidhjen’ që të tria kanë krijuar së bashku.
Viti i kaluar ka pasur disa ndryshime të mëdha në jetën e grupit, jo vetëm me largimin e Jesy, por edhe shtimin e tre anëtarëve të rinj të familjes së tyre Little Mix pasi Perrie mirëpriti një djalë Axel, ndërsa Leigh-Anne lindi te binjakët.
Dhe duket sikur të vegjlit do të bëhen një pjesë e madhe e muzikës së ardhshme të grupit, pasi nëna e dy fëmijëve, Leigh-Anne, tha se ajo ‘mezi pret’ të kthehet në studio për të shkruar për fëmijët e tyre. .
Ndërsa Perrie tregoi se të kesh një fëmijë i vendos gjërat në ‘perspektivë’, duke thënë se tani ajo ‘dëgjon muzikë ndryshe’.
Ajo shtoi se “mezi pret” të rikthehet në turne, duke theksuar se i mungon shumë të performojë.
Kjo vjen pasi Jade zbuloi shpresat e saj që Little Mix të jenë ende së bashku për të paktën dy dekada të tjera, pasi ajo i hodhi poshtë spekulimet e pandërprera të ndarjes.
Ka pasur zëra se grupi po planifikon të ndahet pas largimit të Jesy Nelson.
