Ndonëse në këtë ditë festohet dashuria, këngëtari i njohur Harry Styles u kërcënua me thikë dhe u plaçkit, teksa ishte jashtë në mbrëmjen e Shën Valentinit.
Harry Styles u la i tronditur pasi u grabit në ditën e Shën Valentinit.
Ish-këngëtari i One Direction, 26 vjeçar, ishte në një natë jashtë në Hampstead në Londër kur u përball me një burrë që e kërcënonte.
Grabitësi nxori një thikë dhe kërkoi para, Mirror Online zbuloi ekskluzivisht.
Ai veproi shpejt dhe i dorëzoi paratë, për fat të mirë duke e lënë muzikantin të padëmtuar.
Një burim tha për Mirror Online: “Ai në të vërtetë u tregua shumë i matur, duke i dhënë shpejt paratë e sulmuesit, duke e mbajtur veten dhe plaçkitësin të qetë dhe duke marrë situatën nën kontroll.”
“Kuptohet edhe pse e la atë shumë të tronditur më pas.”
Incidenti ndodhi vetëm disa orë para se ish e dashura e Harry, Caroline Flack , u gjet e vdekur në shtëpinë e saj në Londër të Shtunën 15 shkurt.
“Duke pasur parasysh se si Caroline mori jetën e saj të nesërmen, presionet e një albumi të ri dhe një shfaqje në Brit Awards, është e drejtë të themi se kjo është gjëja e fundit që duhej t’i ndodhte atij,” shtoi burimi.
Policia Metropolitane konfirmoi incidentin për Mirror Online.
Një zëdhënës tha: “Policia po heton raportet për një grabitje me thikë në Hampstead.”
