Kendall Jenner thuhet se është ndarë nga Devin Booker për herë të dytë.
Ish-çifti, i cili filloi lidhjen në vitin 2020, u nda në heshtje muajin e kaluar për herë të dytë, sipas People.
Një burim i tha gazetës: “Të dy kanë orare tepër të ngjeshur tani me karrierën e tyre dhe ata kanë vendosur ta bëjnë atë një prioritet”.
Burimi tha gjithashtu se oraret e punës së çiftit ishin arsyeja për ndarjen e raportuar miqësore, me Kendall, 27 vjeç, që thuhet se ishte e zënë me markën e saj 818 Tequila dhe lojtarin e NBA, Devin, 26, duke u fokusuar në pozicionin e tij me Phoenix Suns.
Por një burim i dytë shtoi se ata po planifikojnë të mbajnë kontakte, duke thënë: “Ata kanë shumë dashuri dhe respekt për njëri-tjetrin dhe dëshirojnë vetëm më të mirën”.
Ndarja e dukshme vjen disa muaj pasi Kendall dhe Devon u ndanë për herë të parë, me Page Six që raportoi në qershor se ata kishin në “botëkuptime të ndryshme” për marrëdhënien e tyre.
Një burim i brendshëm tha për gazetën: “Ndërsa ata kujdesen për njëri-tjetrin, Devin nuk do të propozonte martesë dhe prioriteti i tij është karriera. Karriera e Kendall gjithashtu dominon jetën e saj.” /Prive.al
