Kantautori i famshëm shqiptar Alban Skenderaj, është shprehur se Prishtina i ka falur shumë atij drejt formimit artistik.
“Qyteti i Prishtinës më ka dhënë shumë si artistikisht ashtu edhe në aspektin njerëzor, ndaj jam i lumtur që mund t’i kthej diçka mbrapsht përmes këtij koncerti”, ka shkruar Skenderaj në profilin e tij në Facebook.
Tani Skenderaj ka vendosur që t’ia kthejë borxhin kryeqytetit të Kosovës, duke organizuar një koncert të madh.
Këtë koncert Skenderaj e ka paralajmëruar për datën 1 qershor, ndërsa si vend ku do mbahet koncerti ai ka zgjedhur Parkun e Bibliotekës Kombëtare të Prishtinës.
“Si asnjëherë më parë”, është motoja e këtij koncerti, për të cilin Albani ka thënë se do jetë madhështor e ku do prezantohen këngë të papublikuara më herët. /Prive.al
