Reperi i famshëm Pip Diddy, ka humbur një person shumë të dashur tri ditë më parë. E vetëm tani Sean Combs, e ka thyer heshtjen duke i bërë nëj dedikim shumë prekës ish gruas së tij Kim Porter, e cila u gjet e vdekur në shtëpinë e saj.
Kim e cila është nëna e tre fëmijëve të Diddy’t, ka vdekur të enjten e kaluar pasi po vuante për javë të tëra nga pneumonia. Megjithatë, shkaqet e vdekjes nuk janë bërë ende të ditura.
“Për tri ditët që lamë pas, kam provuar të zgjohem nga ky makth. Por nuk po mundem. Nuk e di se çfarë do të bëj pa ty e dashur. Më mungon shumë. Ne ishim më shumë se miq, ishim më shumë se shpirtra binjakë”, ka thënë Diddy, në dedikimin e tij emocionues për ish partneren, me të cilën ka edhe tre fëmijë. /Prive.al
