Idris Elba ndihet “tepër me fat” që është shëruar plotësisht nga COVID-19.
Aktori 48 vjeçar doli pozitiv me koronavirus në mars të vitit të kaluar, por nuk pati ndonjë simptomë serioze dhe tani u shërua pa asnjë efekt anësor.
Ylli tani ka thënë se ai e di se sa më fat është që e ka kaluar lehtë virusin i cili ka marrë jetën e pothuajse tre milionë njerëzve në të gjithë botën.
“Unë nuk kam asnjë efekt të mbetur anësor dhe gjatë kohës që isha me COVID, nuk kisha simptoma. Por unë mendoj se ndihem tepër me fat që nuk kam kaluar nëpër një rrugë të keqe”.
Idris ishte një nga të famshmit e parë që njoftoi se kishte COVID-19 dhe tha në atë kohë se ai nuk ishte “në panik” për diagnozën e tij sepse ai nuk kishte ndonjë simptomë.
