Së fundmi, Jasminën e “Përputhen”, e “lidhën”.
Mediat raportuan për një lidhje të saj me Erik Fullanin, djalin e ish-guvernatorit të Bankës Shqiptare.
Dhe të themi të drejtën, bazë për dyshime pati mjaftueshëm.
Si provë u morën disa fotografi në rrjete sociale të cilat shfaqnin Jasminën në makinën e Erikut e madje e veshur edhe me gjërat e tij.
Por, të paktën vetë protagonisti, nuk është në lidhje (nëse nuk po gënjen).
Në një sesion me pyetje-përgjigje në Instagram, ai ka zgjedhur që t’i përgjigjet saktësisht kësaj çështjeje, i pyetur nga ndjekësit që sigurisht, pas raportimeve të ditëve të fundit të cilat e ndërlidhin me Jasminën, kurreshtjen e kanë në maksimum.
“Jo, nuk jam [i lidhur]. Jam beqar, single po meqë e keni kaq merak kur të lidhem do t’ua them. Burrash” – është shprehur Eriku.
Burrash? Po të besojmë Erik!
Ndryshe, Eriku është personazh i njohur në Tiranë për jetën e shtrenjtë që bën dhe për shoqërinë e dikurshme e cila nuk vazhdon më me reperin e njohur, Noizyn. /Prive.al
