Fondacioni Jahjaga, i themeluar nga ish-presidentja e Kosovës, Atifete Jahjaga, ka publikuar edicionin e parë të revistës me titull “ZA”.
Vetë ish-presidentja, me një letër drejtuar të gjithë vajzave rrëfen jetën e saj deri në momentin që ajo u bë presidente. Tregon në detaje se si ajo një gjenerale në Policinë e Kosovës, u nominua dhe i zgjodh si e para e shtetit.
Po nuk mbaron me kaq, Jahjaga na jep një pamje më të qartë për jetën e saj pasi mori këtë titull, dhe të gjithë rrugëtimin e saj më tej.
Revista “ZA”, sjellë edhe rrëfime të grave se si tejkaluan sfidat e jetës, grave që dhanë shumë nga vetja për komunitetin dhe grave që luftojnë për të drejta të barabarta.
Kjo u publikua me mbështetjen e Ministrisë për Punë të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për “Gra, Paqe dhe Siguri”.
Revista u publikua në formatin online dhe 500 kopje fizike. Klikoni KËTU për të lexuar të plotë revistën. /Prive.al
