Edhe pse janë në mes të një ndarjeje të ashpër, Gigi Hadid dhe Zayn Malik bien dakord për një gjë: mirëqenia e vajzës së tyre është prioriteti nr.1.
Ka qenë një javë e turbullt për supermodelen dhe këngëtarin, të cilët së fundmi u ndanë pas gati dy vite pas rindezjes së romancës së tyre dhe më shumë se një vit që kur mirëpritën fëmijën e tyre të parë së bashku, vajzën Khai. Lajmet për ndarjen e tyre u shfaqën menjëherë pasi Zayn mohoi “në mënyrë të prerë” se kishte goditur nënën e Gigi-t, Yolanda Hadid, në një deklaratë për TMZ. Në një citim të marrë nga E! News, ai u akuzua për ngacmim pasi dyshohet se e shtyu Yolandën në një komodinë, “duke shkaktuar ankth mendor dhe dhimbje fizike”.
“Është një situatë e tensionuar”, tha një burim i afërt me familjen Hadid për E! News. “Gigi dhe Zayn janë ndarë, por synojnë të bëhen bashkë-prindër të Khai në një mjedis të qetë dhe të shëndetshëm. Ata po përpunojnë detajet e kujdestarisë. Ata janë në kontakt dhe po marrin vendime për Khai”.
Një burim pranë Gigi-t shtjelloi masat që ajo dhe Zayn po marrin jashtë syrit të publikut. “Gigi dhe Zayn janë takuar të dy me avokatë veçmas. Ata të dy duan të sigurohen që mund të zgjidhin situatën e kujdestarisë me Khai dhe të dy ndihen të drejtë për kujdestarinë ndaj saj,” shpjegoi burimi për E! News. “Ajo ka nevojë për hapësirë. Ata kanë qenë në komunikim dhe kanë punuar se si do të vazhdojnë të jenë bashkëprindër, por është shumë e tensionuar tani. Ata të dy duan atë që është më e mira për Khai dhe po përpiqen të jenë të sjellshëm me të”.
Ndërkohë, familja e Gigi-t “po përpiqet t’ë qëndrojë larg kësaj rruge”, tha burimi i afërt me familjen Hadid, “por gjithashtu ndihet shumë mbrojtëse dhe dëshiron më të mirën për të”.
Nëse fansat shpresojnë për një pajtim të mundshëm mes Gigi dhe Zayn, ata nuk duhet të llogarisin në të. Sipas burimit të lidhur me Gigi-n, ajo “ka mbaruar për mirë me Zayn”. Situata jo vetëm që shënon një fund të hidhur të romancës gjashtëvjeçare të Gigi-t dhe Zayn-it, por edhe një tension të madh mes tij dhe Yolandës, e cila dikur i tha Daily Mail se ai ishte “si një djalë për mua”.
“Yolanda është shumë e shqetësuar për atë që ndodhi veçanërisht pas gjithçkaje që ka bërë për Zayn dhe sa mikpritëse ka qenë ajo”, tha një burim pranë Gigi-t. Ajo, “Gigi dhe Bella kanë qëndruar së bashku në NYC dhe me të vërtetë e kanë mbështetur njëri-tjetrin. Ata kanë një sistem të shkëlqyer të mbështetjes familjare dhe janë të lumtur që kanë njëri-tjetrin për t’u mbështetur”.
“E gjithë familja dëshiron që Gigi të mbarojë përgjithmonë me Zayn”, shtoi burimi pranë Gigi. “Ata e kanë parë këtë sjellje më parë dhe mendojnë se është e papranueshme”.
Burimi i afërt me familjen Hadid tha: “Të gjithë janë të trishtuar që gjërat u bënë kaq të shëmtuara dhe morën këtë kthesë. Në çdo familje ka dramë dhe emocione të larta, por ata mendojnë se Zayn ka kaluar kufirin dhe ai duhet të jetë përgjegjës”.
