Statusi i saj gjithmonë ka qenë në shënjestër të mediave. Edhe pas ndarjes dhe lindjes së vajzës së dytë, bukuroshes Alayah, Fjolla Morina u përfol për një lidhje të re.
Disa foto të saj në Snapchat ku shihej në Parisin romantik ngjallën dyshime por atëherë asgjë nuk u kuptua qartë deri kur para pak javësh konfirmoi lidhjen e re për Prive.
Megjithatë, një foto e postuar sot në rrjetin social Instagram ka treguar më shumë se ç’duhej. Unaza në dorën e majtë të Fjollës pranë luleve që i mori dhuratë e zbuloi faktin se ajo tashmë …. mund të jetë martuar!
Prive nga burime shumë të sigurta mëson se këngëtarja ka marrë propozim martese i cili nuk ishte shoqëruar thjesht me një buqetë lulesh por besoni ose jo, me një veturë luksoze Mercedes.
Nuk dihet ende se kush është personi që i vodhi zemrën Fjollës por duket se ky vit ka nisur mbarë dhe ajo është e përmbushur edhe në jetën private edhe në atë artistike me projekte ‘bombë’ që do publikohen së shpejti. /Prive.al/
