Një lajm i mirë ka gëzuar ditën e sotme klubin e Juventusit si dhe gjithë tifozët bardhezi.
Dy futbollistët e prekur nga pandemia Covid-19, Blaise Matuidi dhe Daniele Rugani, e kanë fituar betejën e tyre me virusin.
Rugani ishte edhe i pari lojtar në Serie A që infektohej me koronavirus, por pas një lufte të gjatë me të arrin të fitojë edhe ndeshjen më të madhe të jetës së tij.
“Zonja e vjetër” sheh kështu dritë në fund të tunelit, duke qenë se do e ketë grupin e futbollistëve të shëndetshëm.
Lajmin e ka bërë të ditur vetë klubi Italian, që ndan me të gjithë këtë njoftim mjaft të bukur për ta.
Ndërkohë Italia do të vijojë të mbetet në izolim edhe muajin e ardhshëm, ndërsa shpresohet se në fund të majit mund të nisin sërish stërvitjet e klubeve.
Në këtë mënyrë bardhezinjtë do të kishin grupin e plotë dhe do të hynin me një tjetër fytyrë në fushën e stërvitjes.
