Don Xhoni dhe modelja ruse, Ariana Lirey janë ndarë pas disa muajsh lidhje.
Ndarja e tyre është konfirmuar edhe në rrjete sociale nga dyshja ku mesazhi i fundit i reperit nga Drenica për modelen ishte ky:
“Koha nuk do harrohet por gjithçka ka fund. Uroj të jesh e lumtur. E di që nuk je person i keq, mos vepro si e tillë. Mos bëj drama dhe mos e luaj viktimën. Ka mbaruar, pajtohu”.
Mesa duket ata kanë vendosur që gjërat t’i sqarojnë publikisht pasi modelja ruse ka një kundërpërgjigje për çfarë ka thënë reperi. Me anë të një postimi në Instagram Ariana Lirey tha:
“Faleminderit për postimin prekës, por ne të dy e dimë pse e ke shkruar atë. Je mësuar me adhurimin e të gjithëve, ndaj qëndro me të. Ti bën muzikë të mirë, por do të bie maska e djalit të mirë. Faleminderit për gjithçka dhe lamtumirë”, u shpreh modelja ruse.
