Është zbardhur dëshmia e autorit të zjarrvënies së makinës luksoze të Noizyt pak ditë më parë.
Siar Konti, autori që tashmë ndodhet pas hekurave ka deklaruar përpara uniformave blu se porosinë për djegien e Ferrarit e ka marrë nga kundërshtari i Noizyt, reperi Cllevio Serbiano, raporton News 24.
Ai është shprehur se për këtë shërbim është paguar 2000 euro të cilat i janë dhënë nga këngëtari tjetër.
Pas dëshmisë, këngëtari nga Lushnja Cllevio Serbiano që emrin e vërtetë e ka Kleviol Ahmetaj, ka deklaruar për policinë se nuk ka asnjë lidhje me këtë ngjarje dhe se problemet me Noizyn i ka sheshuar kohë parë.
Edhe pse ka dhënë këtë dëshmi, Klevioli rrezikon burgun për të disatën herë pas dëshmisë së vlonjatit nëse do të verifikohet se porosia është bërë pikërisht nga ai.
Kohë më parë, konflikti mes Noizyt dhe Cllevio Serbiano ka degjeneruar në forma përplasjesh, si fizike po ashtu dhe në rrjete sociale ku nga të dy palët u fol për një moment paqeje dhe mbyllje të problemeve.
