Marrëdhënia e Rihanna-s dhe të dashurit ASAP Rocky po bëhet serioze dhe “HollywoodLife” ka mësuar se viti 2022 mund të jetë vit ndryshe për dyshen.
Rihanna dhe ASAP Rocky ishin së bashku në natën e vitit të ri në shtëpinë e tyre në Barbados dhe, sipas burimeve, viti 2022 mund të jetë viti që ata do të thonë: “Unë po!” Në janar 2020, Rihanna dhe Rocky, e bënë publike romancën e tyre kur u panë gjatë udhëtimit të tyre të parë për pushime në Barbados, ku të dy kanë familjet e tyre. Dhe që atëherë ata janë dashuruar gjithnjë e më shumë me njëri-tjetrin. Në fakt, një burim i afërt me Rihanna-n i tha “HollywoodLife” se “është vetëm çështje kohe para se ASAP Rocky t’i propozojë Rihanna-s”.
“Rocky e ndjen absolutisht se Rihanna është personi i përsosur për të dhe ai nuk mund ta imagjinojë jetën e tij pa të. Ata kanë diskutuar për martesën dhe fëmijët. Ata e dinë se është diçka që të dy e dëshirojnë”, zbuloi burimi. “Pavarësisht se romanca e tyre po nxehet aq shpejt sa ka qenë, ata kanë pasur kohë për të hedhur themelet për një marrëdhënie të shkëlqyer pasi kanë qenë miq për kaq shumë kohë përpara se të lidheshin”.
Në një intervistë në maj të vitit 2020 me Vogue, këngëtarja e hitit “Stay” tha se është e hapur për të pasur fëmijë “kur të jetë koha e duhur”. Burimi vazhdoi, “Rihanna nuk po e streson veten për këtë dhe, nëse është menduar të ndodhë, do të ndodhë. Sido që të jetë, ajo e di se Rocky do të bëhej një baba i mrekullueshëm”.
